2025 жылғы 22–28 қыркүйек аралығында Бейжің мен Тяньцзинь қалаларында ҚХР-дың шетел тілдерінде әдебиеттерді шығару және тарату істері жөніндегі басқармасына қарасты Еуропа мен Азияға хабар тарату орталығы ( «Жэньминь хуабао» баспасы) ұйымдастырған «ШЫҰ елдерінің жастар лагері – 2025» өтті.
Іс-шараға Қазақстан, Қырғызстан, Тәжікстан, Өзбекстан және ШЫҰ-ға мүше басқа да елдерден келген 11 жас өкіл қатысып, «Жастар инновациялары және орнықты даму» тақырыбындағы ауқымды зерттеу сессиясын бірлесіп ашты.
Лагерь бағдарламасы мазмұнды әрі жан-жақты болды: кәсіби дәрістер мен практикалық сабақтар өзара үйлесім тауып, қатысушыларға қытайлық үлгідегі жаңғырудың жетістіктері мен оның жаһандық маңызын тереңірек танып-білуге бірегей мүмкіндік берді.
