Бейжің, 2024 жылғы 10 қыркүйек – Қытайдағы Қазақстан Елшілігінде «Қазақстан халқына жолданған жолдау және Қазақстан-Қытай ынтымақтастығының перспективалары» тақырыбында дөңгелек үстел өтті.
Іс-шараға ҚХР Мемлекеттік кеңесі жанындағы реформаларды дамыту орталығының, Қытай қоғамдық ғылымдар академиясының, Қытай халықаралық мәселелер академиясының, Жібек жолын зерттеу және жоспарлау орталығының, ҚХР Сауда министрлігіне қарасты халықаралық сауда және экономикалық ынтымақтастық институтының, Қытай Халық университетінің халықаралық зерттеулер институтының басшылары мен сарапшылары, сондай-ақ Қытай Коммунистік партиясы Орталық комитетінің халықаралық байланыстар бөлімінің өкілдері қатысты.
Қазақстанның Қытайдағы Елшісі Шахрат Нұрышев өз сөзінде қытайлық сарапшыларды Қазақстан Республикасы Президенті Қ.Тоқаевтың Қазақстан халқына жыл сайынғы Жолдауының негізгі тармақтарымен және екіжақты ынтымақтастықтың даму үрдістерімен егжей-тегжейлі таныстырды.
Қытайлық сарапшылар Қазақстан халқына жолданған Жолдаудың жүргізіліп жатқан реформалардың қисынды жалғасы екенін және оның сайлауалды платформасында көрсетілген мақсаттарға сәйкес келетінін атап өтті. Жолдаудың бағдарламалық сипаты бар, ол нақты мәселелерді қамтып, қазақ қоғамының барлық салаларын қамтиды. Қытай сарапшылары халықтың Жолдауда басты орынға қойылғанын және елдегі барлық өзгерістер оның өмір сүру сапасын жақсартуға бағытталғанын ерекше назарға алды.
ҚХР Мемлекеттік кеңесі жанындағы реформаларды дамыту орталығының Еуразия әлеуметтік даму институтының директоры Ли Юнцюань Қытай Қазақстанды «орташа держава» ретінде құптайтынын, оның аймақтың тұрақтылығы мен дамуына айтарлықтай әсер ететінін атап өтті. Қазақстан дербес сыртқы саясат жүргізіп, күрделі халықаралық ахуалға қарамастан, өз егемендігін берік сақтап келеді.
ҚХР Сауда министрлігіне қарасты халықаралық сауда және экономикалық ынтымақтастық институтының Еуразия институтының директоры Лю Хуацинь Жолдауда елдің инвестициялық ахуалын жақсарту, экономиканы цифрландыру және жасанды интеллектті дамыту бойынша нақты шаралар көрсетілгенін атап өтті. Осыған орай, сарапшы Қазақстан мен Қытай арасындағы инвестицияларды өзара қорғау туралы келісімді өзектендіруді ұсынды.
Қытай Халық университетінің халықаралық зерттеулер институтының профессоры Сюй Циньхуа атом электр станциясының құрылысы бойынша референдум өткізу Қазақстан Президенті Қ.Тоқаевтың энергетикалық қауіпсіздік пен елдің болашақ дамуына деген ерекше көзқарасын, Қазақстан халқының пікіріне негізделгенін білдіретінін айтты.
Дөңгелек үстелге қатысушылар Қазақстан мен Қытай арасындағы саяси, сауда-экономикалық және мәдени-гуманитарлық ынтымақтастықтың өзекті мәселелері, сондай-ақ БҰҰ, ШЫҰ, АӨСШК және «Орталық Азия – Қытай» форматы сияқты көпжақты құрылымдар аясындағы өзара іс-қимылды нығайту жөнінде пікір алмасты.
Дереккөз: Қытай Халық Республикасының Қазақстан Республикасындағы Елшілігі
