2024 жылғы 24 қазанда Қытайды зерттеу орталығының және Талғар ауданы ҮЕҰ коалициясының қолдауымен «Мүгедектік мәселелері бойынша халықаралық ынтымақтастық: тәжірибе және үздік тәжірибелер алмасу» тақырыбында дөңгелек үстел өтті.
Мүгедектік мәселелері бойынша дөңгелек үстел Қазақстан мен Қытай арасындағы әлеуметтік қолдау және мүмкіндігі шектеулі адамдарды инклюзиялау саласындағы серіктестік байланыстарды нығайтуда маңызды қадам болды.
Іс-шараның негізгі мақсаты – мүмкіндігі шектеулі адамдарды қолдау және оңалту мәселелерін талқылау, әлеуметтік интеграция саласындағы идеялар мен үздік тәжірибелермен алмасу болды. Шараға Шанхай мүгедектер федерациясының (SDPF) және Қазақстанда мүгедектігі бар адамдарды қолдаумен айналысатын жергілікті ҮЕҰ өкілдері қатысты.
Мүгедектігі бар адамдарға қызмет көрсететін мекемелерді жұмыспен қамту, оңалту және басқару мәселелері талқыланды. Іс-шараның ресми бөлімін Талғар ауданы әкімінің орынбасары Айбек Бидаев ашты, ол инклюзия және әлеуметтік қолдау саласындағы халықаралық ынтымақтастықтың маңыздылығын атап өтті.
Шанхай мүгедектер федерациясы президентінің орынбасары Дай Гуанмин сөз сөйлеп, мүгедектігі бар адамдардың өмір сүру сапасын жақсарту үшін елдер арасындағы тәжірибе алмасудың маңыздылығын шолып шықты.
Мұндай іс-шаралар әр адамның құқықтары мен мүмкіндіктері бағаланатын инклюзивті қоғамды қалыптастыруға ықпал етеді және Қазақстан мен шетелде мүгедектігі бар адамдардың өмір сүру сапасын жақсартуға үлес қосып отыр.
